काठमाठौँ । आज गण्डकी, लुम्बिनी, कर्णाली र सुदुरपश्चिम प्रदेशमा पूर्ण रुपमा बादल लाग्ने तथा बाँकी भू–भागमा साधारणतया बादल लाग्ने जल तथा मौसम विज्ञान विभागले जनाएको छ ।
विभागको मौसम पूर्वानुमान महाशाखाका अनुसार गण्डकी, लुम्बिनी, कर्णाली र सुदूरपश्चिम प्रदेशका धेरै स्थानहरूमा तथा कोशी र बागमती प्रदेशको पहाडी र हिमाली भू–भागका केही स्थानहरुमा, मधेश प्रदेश लगायत कोशी र बागमती प्रदेशको तराई भू–भागका थोरै स्थानहरूमा मेघगर्जन/चट्याङ्ग, हावाहुरी र असिनासहित मध्यम खालको पानी र हिउँ पर्ने सम्भावना छ ।
गण्डकी, लुम्बिनी, कर्णाली र सुदूरपश्चिम प्रदेशको पहाडी र हिमाली भू–भागको एक–दुई स्थानमा भने ठूलो पानी र हिउँ पर्ने सम्भावना रहेको छ ।
मधेश, लुम्बिनी, गण्डकी, बागमती र कोशी प्रदेशको पहाडी र तराई भू–भागमा केही स्थानहरूमा हावाहुरीको पनि सम्भावना रहेको विभागले जनाएको छ ।
आज राति भने देशभर साधारणतया बादल लाग्नेछ । कोशी, मधेश, लुम्बिनी, कर्णाली र सुदूरपश्चिम प्रदेशलगायत देशको पहाडी र हिमाली भूभागको धेरै स्थानहरुमा स्थानहरुमा तथा तराई भू–भागका थोरै स्थानहरूमा मेघगर्जन/चट्याङ्गसहित मध्यम खालको पानी र हिमपातको सम्भावना रहेको छ ।
प्रकाशित मिति: बुधबार, चैत २५, २०८२
