काठमाडौँ। प्रधानन्यायाधीश प्रकाशमान सिंह राउतको अवकाशसँगै कायममुकायम प्रधान न्यायाधीशको जिम्मेवारी आजदेखि वरिष्ठतम न्यायाधीश सपना प्रधान मल्लले सम्हाल्नुभएको छ ।
प्रधान न्यायाधीश राउतले अनिवार्य अवकाश पाउनुभएपछि कायममुकायम प्रधानन्यायाधीशको जिम्मेवारी मल्लले पाउनुभएको हो ।
तत्कालीन प्रधान न्यायाधीश विश्वम्भरप्रसाद श्रेष्ठको अवकाशपछि २०८१ असोज २० गतेदेखि प्रधान न्यायाधीशको जिम्मेवारीमा राउत हुनुहुन्थ्यो ।
रोलक्रम अनुसार प्रधान न्यायाधीशमा मल्लको नियुक्ति भएमा हालकै उमेरहदको व्यवस्था अनुसार २०८५ कात्तिक ९ गतेसम्म उहाँको कार्यकाल रहने छ ।
प्रकाशित मिति: बुधबार, चैत १८, २०८२
