काठमाडौँ । आज बिहान पक्राउ परेका पूर्व प्रधानमन्त्री तथा नेकपा एमाले अध्यक्ष केपी शर्मा ओली र पूर्व गृहमन्त्री तथा नेपाली काँग्रेसका नेता रमेश लेखकलाई जिल्ला प्रहरी परिसर काठमाडौँमा लगिएको छ ।
पक्राउ परेका दुवै जनाको बारेमा अदालती प्रक्रिया भने भोलि मात्रै सुरु हुने प्रहरीले जनाएको छ । आज बिहानै पक्राउ गर्दा प्रहरीले जरुरी पक्राउ पुर्जी थमाएको थियो ।
बालेन्द्र शाह प्रधानमन्त्रीमा नियुक्त भएपछि हिजो बसेको मन्त्रिपरिषद्को पहिलो बैठकले भदौ २३ र २४ को जेनजी आन्दोलनपछि गठित जाँचबुझ आयोगको सिफारिस कार्यान्वयन गर्ने निर्णय गरेको थियो ।
ओली नेतृत्वमा सरकार रहेका बेला जेनजी आन्दोलन भएको थियो । ७६ जनाको मृत्यु भएको जेनजी आन्दोलनमा मुख्य दोषी ओली र लेखक रहेको निष्कर्ष आयोगले निकालेको छ ।
प्रकाशित मिति: शनिबार, चैत १४, २०८२
