काठमाडौँ । बाँदरलाई अमानवीय व्यवहार गरेको आरोपमा एकजनालाई प्रहरीले पक्राउ गरेको छ ।
कुकुरले टोकाएर केही बाँदर मारेको भिडिओ सामाजिक सञ्जालमा भाइरल भएपछि विभिन्न निकाय र संघसस्थाहरुले चासो देखाउँदै प्रहरीको ध्यानाकर्षण गराएका थिए ।
उक्त घटना प्रतिनिधि सभाको निर्वाचन भन्दा अगाडिको रहेको प्रहरीको भनाइ छ । खेतको बालीनाली छेक्न बनाईएको पासोमा परेका बाँदरहरुलाई आक्रमण गरेको भिडिओ भायरल भएको थियो ।
उक्त भिडिओ सामाजिक सञ्जालमा पोष्ट गर्ने जिल्ला पाँचथर हिलिहाङ गाउँपालि २ सिंहपुर घर भई हाल जिल्ला ताप्लेजुङ पाथिभरा याङवरक गाउँपालिका २ थेचम्बु बस्ने २१ वर्षको संगम भन्ने छुप्पु हेम्वयालाई प्रहरीले पक्राउ गरेको हो ।
पक्राउ परेका हेम्वयालाई प्रहरीले अनुसन्धान सुरु गरेको ताप्लेजुङ प्रहरीका सूचना अधिकारी, प्रहरी निरीक्षक जटाशङ्कर यादवले सीआईएनसँग बताउनुभयो ।
प्रकाशित मिति: बुधबार, फागुन २७, २०८२
