ललितपुरमा । ललितपुरको कुपन्डोलमा रहेको दाउरा रेष्टुरेन्टमा लागेको आगो नियन्त्रणमा आएको छ ।
ललितपुर प्रहरीका एसपी गौतम मिश्रका अनुसार ५ वटा दमकल र सुरक्षाकर्मीको पहलमा आगो नियन्त्रणमा लिइएको हो ।
आठौँ तलामा रहेको रेष्टुरेन्टमा विद्युत सर्ट भएर आगो लागेको र समयमा नै निभाइएका कारण सातौँ तला मुनि रहेका व्यापारव्यवसायमा क्षति हुन नपाएको मिश्रको भनाइ छ ।
आगलागीमा परी ३ वटा सिलिन्डर विस्फोट भएका थिए । क्षतिको विवरण भने आउन बाँकी रहेको प्रहरीले जनाएको छ ।
प्रकाशित मिति: मंगलबार, फागुन १९, २०८२
