बैतडी । बैतडीमा जन्ती बोकेको बस दुर्घटना हुँदा ज्यान गुमाउनेको सङ्ख्या १३ पुगेको छ ।
पुर्चौडी नगरपालिका–७ स्थित वडूगाउँ मोडमा जन्ती बोकेको बस हजो दुर्घटनामा परेको हो । घटनास्थलमा ८ र उपचारको क्रममा ५ जनाको मृत्यु भएको जिल्ला प्रहरी कार्यालय बैतडीका डीएसपी दीपककुमार रायले सीआईएनसँग बताउनुभयो ।
बैतडीको पुर्चौडी नगरपालिका–७ भवनेबाट जन्ती लिएर बझाङको सुनकुडातर्फ फर्किरहेको बस दुर्घटनामा परेको हो। सुप प्र ०२–००१ ख १११९ नम्बरको बस सडकबाट करिब १०० मिटर तल खसेको जिल्ला प्रहरी कार्यालय बैतडीका सूचनाअधिकारी प्रहरी निरीक्षक भानदेव बडूले जानकारी दिनुभयो ।
प्रकाशित मिति: शुक्रबार, माघ २३, २०८२
