काभ्रे । काभ्रे जिल्लाको मण्डनदेउपुर नगरपालिका–९ बितौरी पोखरीस्थित हिगुवापाटी चन्देनी सडकखण्डमा अाज भ्यान दुर्घटना हुँदा भ्यानभित्र च्यापिएकी महिला चालकको उद्धार गरिएको छ ।
नवप्रतिभा ईङ्गलिस बोर्डिङ्ग स्कुलको ५ जना विद्यार्थी बोकेको बा १ ज ८६७२ नम्बरको भ्यान अचानक ब्रेक फेल भई दुर्घटना भएको बताईएको छ । दुर्घटनामा परी सोही ठाउँ बस्न भ्यानको चालक २४ वर्षिया दिपिका ढकाल घाईते हुनुभएकाे हाे ।
सशस्त्र प्रहरी बल नेपाल नं. १५ गण काभ्रेबाट सशस्त्र प्रहरी सहायक निरीक्षक भरत न्यौपानेको कमाण्डमा विपद् उद्धार सामाग्रीसहित खटिएको सुरक्षा फौज र नेपाल प्रहरीको संयुक्त टोलीले चालक दिपिका ढकालको कम्मर मुनीको भाग भ्यानले च्यापिएको अवस्थामा सिट काटेर निकालेको हो ।
उद्धार पश्चात उहाँलाई उपचारको लागि धुलिखेल अस्पताल पठाईएको छ भने ५ जना विद्यार्थीहरु सकुशल रहेका छन् । उद्धार गरिएको उहाँको कम्मर मुनिको भाग नचल्ने र बोल्न नसक्ने अवस्था हुनुभएकाे प्रहरीले जनाएकाे छ ।
प्रकाशित मिति: बुधबार, माघ १४, २०८२
