काठमाडौँ । उत्कर्षमा पुगेको पार्टी भित्रको विवाद समाधानका बारेमा छलफल गर्न नेपाली काँग्रेसको केन्द्रीय कार्यसमितिको बैठक आज बस्दै छ ।
नेपाली काँग्रेस पार्टी कार्यालयका मुख्य सचिव कृष्णप्रसाद पौडेलका अनुसार बैठक बिहान ११ बजे केन्द्रीय कार्यालय सानेपामा बस्नेछ ।
बैठकमा केन्द्रीय कार्यसमितिका पदाधिकारी, सदस्य र सातवटै प्रदेशका सभापतिलाई बोलाइएको छ ।
महामन्त्रीद्वय गगन थापा र विश्वप्रकाश शर्माको अग्रसरतामा काठमाडौँमा काँग्रेसको विशेष महाधिवेशन सुरु भएपछि यसको वैधानिकताका बारेमा प्रश्न उठाउँदै आएको संस्थापन पक्षले अब कस्तो रणनीति बनाउँछ भन्नेमा सर्वत्र चासो छ ।
हिजो बसेको संस्थापनका शीर्ष नेताहरूको बैठकले थापा र शर्मासँग छलफलका लागि नेताहरूलाई जिम्मा दिने निर्णय गरेको थियो ।
प्रकाशित मिति: मंगलबार, पुस २९, २०८२
