काठमाडौँ । आज राष्ट्रनिर्माता पृथ्वीनारायण शाहको ३ सय ४औँ जन्मजयन्ती तथा रष्ट्रिय एकता दिवस विभिन्न कार्यक्रम गरी मनाइँदैछ ।
आधुनिक नेपालको एकीकरण अभियानका नेतृत्वकर्ता शाहले राष्ट्रको एकीकरण अभियानमा पुर्याएको योगदानको स्मरण गर्दै प्रमुख प्रशासनिक भवन सिंहदरबार पश्चिम ढोका अगाडिको पृथ्वीनारायणको सालिक तथा देशका अरु भूभागमा रहेका पृथ्वीनारायण शाहको सालिकमा पनि पुष्पहार अर्पण गरी सम्मान व्यक्त गरिन्छ।
आज राष्ट्रिय प्रजातन्त्र पार्टी (राप्रपा) ले काठमाडौँमा चियापान समारोहको आयोजना गरेको छ।
राप्रपाले समारोहमा प्रधानमन्त्री, विभिन्न राजनीतिक दलका शीर्ष नेता, पूर्व प्रधानमन्त्री र विभिन्न व्यक्तित्वलाई आमन्त्रण गरेको जनाएको छ । शाहको जन्मस्थान गोरखामा हरेक वर्ष यो दिवस विशेष कार्यक्रम गरी मनाउने गरिएको छ ।
नेपाली सेनाले पनि पृथ्वी जयन्तीका अवसरमा हरेक वर्ष सैनिक मुख्यालय भवन जङ्गीअड्डा परिसरमा रहेको राष्ट्र निर्माताको पूर्णकदको सालिकमा माल्यार्पण गरी सम्मान प्रकट गर्दै आएको छ ।
तत्कालीन गोरखाका राजा शाहले विभिन्न सामाजिक, आर्थिक र भौगोलिक चुनौतीबीच जनताको उत्साहजनक सहयोग तथा सहभागितामा छरिएर रहेका बाइसे, चौबीसे राज्यलाई एकीकृत गर्नुभएका शाहको १८३१ सालमा ५२ वर्षको उमेर निधन भएको थियो ।
प्रकाशित मिति: आइतबार, पुस २७, २०८२
