काठ्माडाैँ । राष्ट्रिय मानव अधिकार आयोगले अनुसन्धानलाई असर वा प्रभावित पार्ने गतल र भ्रामक समाचार प्रकाशन तथा प्रशारण नगर्न सञ्चारमाध्यमलाई आग्ह गरेको छ।
राष्ट्रिय मानव अधिकार आयोगले अनुसन्धानलाई असर पार्ने गलत र भ्रामक समाचार प्रकाशन तथा प्रशारण नगर्न सञ्चारमाध्यमलाई आग्रह गरेको छ।
जनआस्था साप्ताहिकको वर्ष ३१, अंक ४१ मा प्रकाशित “ओली बोल्दा बोल्दै किन रोकिन् लिलीले ? शीर्षकको समाचार गलत, भ्रामक र तथ्यहीन भएको आयोगको भनाइ छ। सो समाचारले गत भदौ २३ र २४ गते भएको आन्दोलनका क्रममा भएका मानव अधिकार उल्लंघनसम्बन्धी घटनामा भइरहेको छानबिनलाई प्रभावित पार्ने भन्दै आयोगले आपत्ति जनाएको हो।
आयोगका अनुसार उक्त समाचार आयोग वा अनुसन्धान समितिसँग कुनै जानकारी नलिई प्रकाशित गरिएको थियो। समाचारमा आयोगका अध्यक्ष तथा पदाधिकारीको नाम जोडेर मर्यादा र प्रतिष्ठामा आँच पु¥याउने नियत देखिएको पनि आयोगको ठहर छ।
यस विषयमा आयोगले प्रेस काउन्सिल ऐन, २०४८ अनुसार कारबाहीको माग गर्दै आजै प्रेस काउन्सिल नेपालमा उजुरी दर्ता गरेको छ।
अनुसन्धान समिति संयोजक डा. लिली थापाले गलत र भ्रामक समाचारप्रति खेद प्रकट गर्दै अनुसन्धानलाई प्रभाव पार्ने सामग्री प्रकाशन तथा प्रशारण बन्द गर्न अनुरोध गर्नुभएको छ। साथै, भविष्यमा समाचार प्रकाशित गर्नु अघि अनिवार्य रूपमा आयोगसँग आधिकारिक जानकारी लिन पनि आग्रह गर्नुभएको छ।
प्रकाशित मिति: बुधबार, पुस २३, २०८२
