सप्तरी । सामाजिक सञ्जालको प्रयोगले हुने प्रविधिजन्य हिंसा, यसको असर तथा न्यूनीकरण गर्ने उपायको बारेमा सन्देशसहित सप्तरीको छिन्नमस्ता गाउँपालिकामा सड्क नाटक देखाइएको छ ।
लैङ्गिक हिंसा विरुद्धको १६ दिने अभियानको अवसर पारेर संयुक्त राष्ट्र सङ्घको खाद्य तथा कृषि सङ्गठन (एफएओ) नेपालको आयोजनामा छिन्नमस्ता गाउँपालिकाको वडा नम्बर ३ स्थित सखडा चोकमा नाटक देखाइएको हो ।
प्रविधिको गलत प्रयोगबाट हुने हिंसाका स्वरुप फेरिँदै गएको र यसबाट अरुको तुलनामा महिला बढी प्रभावित हुन सक्ने भएका कारण कलाकारहरूको अभिनयमार्फत् स्थानीयबासीमा सूचना तथा जानकारी गराइएको आयोजक संस्थाका फोकल पर्सन भवानी थपलियाले जानकारी दिनुभयो ।
नाटकमा विजय लक्ष्मी फाउन्डेसन जनकपुरका कलाकारहरुले अभिनय गरेका थिए ।
सडक नाटकको प्रस्तुतिको क्रममा आयोजक संस्थाका फिल्ड कोअर्डिनेटर अभिषेक यादवले सहजीकरण गर्नुभएको थियो ।
प्रकाशित मिति: बुधबार, मंसिर २४, २०८२
