काठमाडौँ । आज विश्व अपाङ्गता दिवस, नेपालमा पनि विभिन्न कार्यक्रम गरेर मनाइँदैछ ।
सन् १९९२ बाट हरेक वर्षको ३ डिसेम्बरका दिन संसारभरि विश्व अपाङ्गता दिवस मनाउन लागिएको हो ।
आजको दिन विभिन्न कार्यक्रम तथा गोष्ठी, र्यालीहरू आयोजना गरिन्छ, समानता र हौसलाको नारा गुञ्जायमान हुन्छ र वर्षभरि यी आवाजहरू गुन्जिरहुन् भन्ने कामना पनि गरिन्छ ।
दिवसको अवसरमा राष्ट्रपति रामचन्द्र पौडेल, प्रधानमन्त्री सुशीला कार्कीलगायतका उच्च पदस्थ व्यक्तिहरूले शुभकामना व्यक्त गर्दै संविधान र कानुनको पालना गर्दै अपाङ्गता भएका व्यक्तिहरूले गरेका सकारात्मक र उपलब्धिमूलक कथाहरूलाई पनि आज विश्व समुदायले विभिन्न माध्यममार्फत अवलोकन र श्रवण गरेको उल्लेख गरेका छन् ।
प्रधानमन्त्री कार्कीले अपाङ्गमैत्री समाज अनि संरचनाका लागि पैरवी भइरहेकोमा खुसी व्यक्त गर्दै अपाङ्गता भएको जनसङ्ख्यालाई साथै लिएर हिँड्न नसक्ने हो भने संसारले दिगो र फराकिलो विकास सम्भव नभएको बताउनुभएको छ ।
प्रकाशित मिति: बुधबार, मंसिर १७, २०८२
