काठमाडाैँ । नेपालबाट उच्च दक्ष कामदार विदेशिने क्रम ४८ दशमलब ८ प्रतिशतले बढेको छ।
बैदेशिक रोजगार विभगकाअनुसार चालु आर्थिक वर्षको पहिलो ४ महिना साउनदेखि कार्तिकसम्म ४६९ जना उच्च दक्ष कामदार विदेशिएका छन् ।
पोहोर भने यहि अवधिमा जम्मा ३१५ जना विदेशिएका थिए।
यो सङ्ख्या अहिलेको तुलनामा ४८ दशमलब ८ प्रतिशतले बढि हो। विभागकाअनुसार गएको असोज महिनामा मात्र कुल संख्याको ४१ प्रतिशत उच्च दक्ष कामदार विदेशिएका छन्।
तर व्यवसायिक दक्ष कामदार विदेशिने क्रम भने अलि घटेको विभागले जनाएको छ। पोहोर साउनदेखि कार्तिकसम्म १३ सय ८९ जना व्यवसायिक रूपमा दक्ष कामदार रोजगारीका लागि विदेश गएकामा यस वर्ष १२ सय ३३ जना मात्र विदेशिएका छन्, जुन १० दशमलब ८ प्रतिशतले कमी हो ।
नेपालमा उच्च दक्ष कामदारले रोजगारी नपाएका कारण विदेशिने क्रम बढेको पौरखी नेपालका संस्थापक मन्जु गुरुङले सीआईएनसँग बताउनुभयो ।
प्रकाशित मिति: आइतबार, मंसिर १४, २०८२
