काठ्माडाैँ । तराईमा मङ्सिरको दोस्रो साता भित्रै हिउँदे आलु रोपिसक्न कृषि विज्ञको सुझाव छ।
कृषि मौसमविद मुक्तिनाथ झाका अनुसार तराई क्षेत्रमा आलुको मुख्य हिउँदे बाली समयमै नरोपे उत्पादन घट्ने छ। तराईमा हिउँदे आलु रोप्ने उपयुक्त समय कात्तिकको अन्तिम सातादेखि मङ्सिरको दोस्रो सातासम्म रहेको उँहाको भनाइ छ।
विशेषगरी मंसिर १० गते भित्र रोपी सके किसानले राम्रो उत्पादन पाउने सम्भावना उच्च हुने उहाँले सीआईएनसँग बताउनुभयो।
उहाँकाअनुसार यो समयमा माटोको तापक्रम आलुको टुसा उम्रनका लागि अनुकूल हुन्छ।
चिसो बढ्नुअघि बिरुवा जमिनमा राम्रोसँग जम्न पाउने भएकाले बिउ विग्रने सम्भावना कम हुने उहाँको भनाइ छ । तर समय भन्दा अगाडी वा ढिलो रोपे उत्पादन घट्ने, रोगकीरा बढ्ने र बालीको विकास अवधि छोटिने जस्ता समस्या देखिने कृषि मौसमविद झाको भनाइ छ ।
प्रकाशित मिति: बुधबार, मंसिर १०, २०८२
