काठमाडौँ । नेकपा एमालेले आगामी प्रतिनिधि सभा निर्वाचनका लागि दल दर्ता गरेको छ। निर्वाचन आयोगमा पुगेर एमालेका निर्वाचन विभाग प्रमुख निरज आचार्य र कार्यालय सचिव डा. भीष्म अधिकारीले दर्ता निवेदन बुझाएका हुन्।
दल दर्तापछि विभाग प्रमुख आचार्यले एमाले सबै प्रकारका चुनावमा समयमै कानुनी प्रक्रिया पूरा गर्ने पार्टी भएकोले यस पटक पनि सोही अनुसार दल दर्ता गरिएको बताउनुभयो ।
आगामी प्रतिनिधि सभा सदस्य निर्वाचनका लागि दल दर्ताको अन्तिम म्याद मंसिर १० गतेसम्म तोकिएको छ। निर्वाचन आयोगका अनुसार हिजोसम्म ६४ दलले दर्ता गरिसकेका थिए भने एमाले ६६ नम्बरमा दर्ता भएको छ।
हालसम्म निर्वाचन आयोगमा १३५ दल दर्ता भएका छन्। तीमध्ये निर्वाचन प्रयोजनका लागि दर्ता गर्ने दलहरू मात्र चुनावमा भाग लिन योग्य हुनेछन्।
प्रकाशित मिति: मंगलबार, मंसिर ९, २०८२
