इलाम । इलाम नगरपालिका–८ का बाढी प्रभावित परिवारलाई राहत सामग्री वितरण गरिएको छ।
रोटरी क्लब अफ काठमाडौँ र भोलेन्टियर कर्प अफ नेपालले, इलाम ग्रीन मिडिया प्रालिको संयोजनमा, बाढीपीडित परिवारलाई आवश्यक सामग्री हस्तान्तरण गरेका हुन्।
सो क्षेत्रमा रहेका १० टोल संस्थामार्फत १४० परिवारलाई जाडोमा ओढ्ने कम्बल र बृटिस एड्सले उपलब्ध गराएको आपतकालिन अवस्थामा प्रयोग गर्न मिल्ने सामग्रीको झोला वितरण गरिएको इलाम ग्रीन मिडियाका सञ्चालक राजेश पराजुलीले जानकारी दिनुभयो । उहाँका अनुसार जिल्लाका अन्य बाढी प्रभावित स्थानहरूमा पनि अन्य राहत सामग्री वितरण गरिएको छ।
हाल इलामलाई बाढीपछि ‘संकटग्रस्त जिल्ला’ घोषणा गरिएको छ। तर पर्याप्त राहत नपुग्दा धेरै पीडित अझै समस्यामै छन्। संघीय सरकारले हालसम्म पाँच करोड ३२ लाख रुपैयाँ मात्र राहतका लागि पठाएको इलाम नगरपालिकाले जनाएको छ।
प्रकाशित मिति: मंगलबार, मंसिर ९, २०८२
