काठमाडौं । गाउँपालिकाले नियुक्त गरेका पुर्व करार कर्मचारीहरुले तलब नपाएको लगायतका मागहरु राख्दै भन्दै हुम्लाको अदानचुली गाउँपालिकामा लगाइएको ताला खुलाइएको छ ।
आन्दोलनरत पक्ष र अदानचुली गाउँपालिकाबीच ७ बुँदे सहमति पत्रमा हस्ताक्षर गरे लगत्तै ताला खुलाइएको हो ।
साउनभन्दा अगाडि नियुक्त गरेका करार कर्मचारीले आफुले पाउने पर्ने पारिश्रमिक नपाएको भन्दै तालाबन्दी गरेका थिए । हिजो ७ बुँदे सहमति पत्रमा हस्ताक्षर गरे लगत्तै ताला खुलेको गल्फागाड प्रहरी चौकीका इन्चार्ज रामबहादुर रोकायाले बताउनुभयो ।
गाउँपालिकाका सबै जनप्रतिनिधि, शाखा प्रमुखहरुलाई यथासक्य उपस्थिति गराउने र करार कर्मचारी एकिन गरी पाउने रकम भुक्तानीको प्राक्रिया तत्काल शुरु गर्ने, होटल तथा पसलहरुमा भुक्तानी गर्न बाँकी रकम एकिन गरी सम्बन्धीत व्यावसायीलाई भुक्तानी प्रकृया तत्काल सुरु गर्ने सहमती भएको छ ।
यस्तै अधिकांश समय गाउँपालिकाका जिम्मेवार व्यक्तिहरु (जनप्रतिनिधि तथा कर्मचारीकहरु) उपस्थित नहँुदा पालिकाका बासिन्दाले पाउनुपर्ने सेवा सुविधामा प्रभाव पारेको भन्दै पालिकामै रहेर सेवा प्रवाह गर्नको लागि अनिवार्य ई. हाजिर (विद्युतीय) हाजिरको व्यावस्था गर्ने लगायत ७ बुँदामा हस्ताक्षर भएको रेडियो श्रीनगर हुम्लाले जनाएको छ ।
प्रकाशित मिति: शुक्रबार, मंसिर ५, २०८२
