काठमाडौँ । यमपञ्चक अर्थात् तिहारको चौथो दिन आज गोरु र गोवर्ध पूजा गरिँदैछ । वर्षभर जोतिएर मानव हितका लागि सेवा गर्ने गोरुलाई आज पूजा गरी मीठा खानेकुरा दिने प्रचलन छ ।
गोरुलाई देवाधिदेव महादेवको वाहन अर्थात् साँढेका रुपमा पनि पूजा गर्ने परम्परा छ ।
आज आँगनमा लिपपोत गरी गाईको गोबरको पर्वत बनाई त्यसलाई गोवर्द्धन पर्वत मानेर गोवर्धन पूजा पनि गरिँदैछ ।
द्वापर युगमा भगवान श्रीकृष्णले हत्केलाले गोवर्द्धन पर्वत उचाली गोकुलवासीलाई मुसलधारे वर्षापछिको विपदबाट बचाएको सम्झनामा गोवर्द्धन पर्वतको पूजा गर्ने प्रचलन रहेको धर्मशास्त्रविद्हरूको भनाइ छ ।
गोवर्द्धन पूजा प्रतिपदाका दिन सूर्योदय भएकै दिन गर्नुपर्ने नेपाल पञ्चाङ्ग निर्णायक विकास समितिले जनाएको छ।
प्रकाशित मिति: बुधबार, कात्तिक ५, २०८२
