काठमाडौँ । नेपाल सम्वत् ११४६ आजबाट सुरु भएको छ । यस सम्वतलाई नेवार समुदायले नयाँ वर्षका रुपमा मनाउँछन् ।
राष्ट्रिय विभूति शंखधर साःख्वाले विसं ९३७ (इ सं ८८०) मा गरिब जनताको ऋणमोचन गरी नेपाल सम्वतको सुरुवात् गराउनुभएको थियो ।
नेपाल सम्वतलाई काठमाडौँ, ललितपुर, भक्तपुर, बनेपा, धुलिखेल, बाह्रबिसे, दोलखा भीमेश्वरलगायत क्षेत्रमा बसोबास गर्ने नेवार समुदायले विशेष रुपमा नयाँ वर्षको रुपमा मनाउने गर्छन् ।
गरिब जनताको ऋणमोचन गराई सामाजिक सेवाको उत्कृष्ट नमूना प्रस्तुत गरेको र नेपालमा मौलिक सम्वतसमेत चलाएको भन्दै २०५६ सालको नयाँ वर्षका दिनमा तत्कालीन प्रधानमन्त्री कृष्णप्रसाद भट्टराईले साःख्वालाई राष्टिय विभूति घोषणा गर्नुभएको थियो ।
२००७ मा प्रजातन्त्रको स्थापना भएपछि नै नेपाल सम्वतलाई राष्ट्रिय मान्यताका लागि अभियान चलाइएको जानकारहरु बताउँछन् ।
आज नेवार समुदायले म्हः (आत्म) पूजा गर्दै
कार्तकि शुक्ल प्रतपिदाका दिन आज नेवार समुदायले म्हः (आत्म) पूजा गर्दैछन् । प्रत्येक वर्ष कार्तिक शुक्ल प्रतिपदाका दिन नेवार समुदायमा म्हः पूजा पर्व मनाइन्छ ।
मानिसको आत्मा नै सबैभन्दा ठूलो र महत्वपूर्ण भएकाले आत्म पूजा गर्ने शास्त्रीय परम्परा भएको नेवार संर्स्कतिका जानकारहरुको भनाइ छ ।
प्रकाशित मिति: बुधबार, कात्तिक ५, २०८२
