काठमाडौँ । आगामी फागुन २१ मा हुने प्रतिनिधि सभा निर्वाचनको तयारी स्वरुप प्रधानमन्त्री सुशीला कार्कीले राजनीतिक दलहरूसँग औपचारिक तथा अनौपचारिक संवाद सुरु गर्नुभएको छ ।
यसअघि दल, दलका नेताहरूसँग अनौपचारिक छलफल गर्नुभएका कार्कीले आज राष्ट्रिय मान्यता प्राप्त राजनीतिक दलहरूलाई बोलाउनुभएको छ ।
हरेक दलबाट दुई जना प्रतिनिधिलाई छलफलमा बोलाइएको प्रधानमन्त्री कार्कीका प्रेस संयोजक राम रावलले जानकारी दिनुभयो ।
उहाँका अनुसार प्रधानमन्त्री निवास बालुवाटारमा दिउँसो ४ बजे छलफल हुने छ । आजको छलफलमा ७ दललाई बोलाइएको छ ।
प्रकाशित मिति: मंगलबार, कात्तिक ४, २०८२
