काठमाडौँ । लगातारको पानी परेपछिको बाढी र पहिरोका कारण अलपत्र यात्रुका लागि सरकारको विशेष निर्देशनमा नेपाल वायुसेवा निगमले आज भैरहवारमा उद्धार उडान भर्ने भएको छ ।
उडान A320 विमानबाट काठमाडौँ- भैरहवा - काठमाडौँ (KTM-BWA-KTM) सेक्टरमा हुने निगमले जनाएको छ।
मानवीय उद्धार उडानमा अशक्त, वृद्धवृद्धा, बिरामी तथा अत्यावश्यक यात्रुहरूलाई विशेष प्राथमिकतामा राखिने जानकारी दिँदै उद्धार उडानमा यात्रा गर्न चाहनुहुने यात्रुहरूले समयमै अनलाइन प्रणाली, निगमको कार्यालय वा आधिकारिक एजेन्सीहरूमार्फत आफ्नो सिट सुनिश्चित गर्न अनुरोध गरिएको छ ।
काठमाडौँबाट भैरहवाका लागि भाडा दर ५ हजार तोकिएको छ भने भैरहवाबाट काठमाडौँ फर्कँदा यात्रुले ७ हजार रुपैयाँ तिर्नुपर्नेछ ।
काठमाडौँबाट १ बजे जाने विमानले दिउँसो २ बजेर ४५ मिनेटमा भैरहवाबाट काठमाडौँका लागि विमानले उडान भर्ने जनाएको छ । उडान समयभन्दा दुई घण्टा तीस मिनेट अगाडि विमानस्थलमा पुग्न भनिएको छ ।
प्रकाशित मिति: सोमबार, असोज २०, २०८२
