काठमाडौँ । विज्ञ तथा सरोकारवालाले कुकुरले टोकेमा तत्काल रेबिजविरुद्धको खोप लगाउन आग्रह गरेका छन् ।
विश्व रेबिजविरुद्धको दिवसको अवसरमा संयुक्त राष्ट्र सङ्घको खाद्य तथा कृष सङ्गठन (एफएओ) सँगको सहकार्एयमा अकोराबले आयोजना गरेको छलफलमा सहभागी सङ्क्रामक रोग विशिेषज्ञ डा अनुप बास्तोलाले कुकुरले टोकेमा तत्काल उक्त घाउ १५ मिनेटसम्म सावुन पानीले सफा गर्नुपर्ने बताउनुभयो ।
उहाँका अनुसार पछिल्लो समय नेपालमा बालबालिकामा रेविज देखिनेक्रम बढेको छ ।
बालबालिकालाई अभिभावकले जथाभावी छोड्दा र बालबालिकाले कुकुरले टोकेको बारेमा घरपरिवारमा भन्न डराउँदा पनि रेविजको लक्षण देखिएपछि मात्रै थाहा हुने गरेको उहाँको भनाइ छ ।
कुकुरले टोकेमा जतिसक्यो चाँडो खोप लगाउन अनुरोध गर्दै रेविजको लक्षण देखिएपछि बिरामीलाई बचाउन नसकिने डा बास्तोलाको भनाइ छ ।
समाजमा अझैँ पनि कुकुरले टोकेपछि सामान्य रुपमा लिने गरिएको भन्दै घरमा पालेको भए पनि कुकुरले टोकेमा तत्काल स्वास्थ्यकर्मीको परापर्श लिन उहाँले अनुरोध गर्नुभयो ।
कुकुर मात्रै नभएर बिरालो, मुसा, न्याउरी मुसाले टोकेमा वा चिथोरेमा पनि रेविजविरुद्धको खोप लगाएर बच्न सकिने डा बास्तोलाले बताउनुभयो ।
कृषि तथा पशुपन्छी विकास मन्त्रालयले आगामी ५ वर्षमा कार्यान्वयन गर्नका लागि रेविजिवरिुद्धको विशेष कार्ययोजना तयार पारेको छ ।
उक्त कार्ययोजना स्वीकृत भएमा रेविजविरुद्धको अभियान अझ प्रभावकारी बनाउन सकिने कृषि तथा पशुपन्छी विकास मन्त्रालय, पशु स्वास्थ्य महाशाखा प्रमुख डा सम्झना काफ्लेले बताउनुभयो ।
उहाँका अनुसार कार्ययोजना स्वीकृत नभए पनि रेविजविरुद्धको अभियान रोकिएको छैन । तीनै तहका सरकारले रेविजविरुद्धको अभियान चलाए अझ प्रभावकारी हुने उहाँको भनाइ छ ।
संयुक्त राष्ट्र सङ्घको खाद्य तथा कृषि सङ्गठन एफएओले नेपाल सरकारसँग रेवजिवरिुद्धको अभयिानमा सहकार्य गर्दै आएको छ ।
मुलुकभरमा ११ स्थानमा रेबिजविरुद्धको खोप भण्डारणका लागि उपकरण सहयोग तथा जनचेतना जगाउन पनि अभयिान चलाइएको एफएओ अन्तर्गत एक्ट्याडका टिम लिडर डा सुरेन्द्र कार्कीले जानकारी दिनुभयो ।
उहाँका अनुसार पछाडि पारिएका वर्ग तथा समुदायका व्यक्तिमा रेबिजको जोखिम धेरै भएकाले त्यस्ता व्यक्ति र समुदायमा जनचेतना जगाउन शिक्षक, तथा सरोकारवाला निकायसँग सहकार्य भइरहेको छ ।
तीनै तहका सरकार मिलेर रेविजविरुद्धको अभियान चलाउने हो भने सन् २०३० सम्ममा कुकुरले टोकेर लाग्ने रेबिज शून्यमा झार्ने अभियान सफल हुने उहाँको भनाइ छ ।
प्रकाशित मिति: आइतबार, असोज १२, २०८२
