दाङ । सल्यानको चोरखोला नजिकै आज बिहानै गाडी दुर्घटना हुँदा तीन जनाको मृत्यु भएको छ ।
रुकुम पश्चिमबाट दाङतर्फ आउँदै गरेको फोर्स गाडी आज बिहानै दुर्घटना हुँदा तीन जनाको मृत्यु भएको छ । कपुरकोट गाउँपालिकाका उपाध्यक्ष प्रकाश भण्डारीका अनुसार बिहान चार बजेतिर कपुरकोट गाउँपालिका वडा नम्बर ३ चोरखोला नजिक भएको दुर्घटनामा तीन जनाको मृत्यु हो ।
रुकुम पश्चिमको बाफिकोटबाट दाङ घोराही जाँदै गरेको लु २ प ६५०२ नम्बरको गाडी कपुरकोट गाउँपालिका वडा नम्बर ३ चोरखोला नजिक दुर्घटनामा परेको हो ।
दुर्घटनामा अर्का एक जना गम्भिर घाइते भएको उहाँले बताउनुभयो । गाडी करिब ३ सयमिटर तल खसेको छ । घाइतेको उद्धार गरी राप्ती प्रादेशिक अस्पताल दाङ ल्याइएको छ ।
प्रकाशित मिति: आइतबार, असोज १२, २०८२
