काठमाडाैँ । सरकारले जेनजी आन्दोलनका घाइतेहरुलाई परिचय पत्र वितरण गर्ने भएको छ।
घाइतेहरुको पहिचान र उपचारमा सहजीकरण गर्न भोलिदेखि परिचय पत्र वितरण गरिने गृहमन्त्रालयले जनाएको छ।
यस्तै उपचारका लागि काठमाडौँ उपत्यका र बाहिर अस्पताल तोकिने भएको छ भने जेनजी क्लिनिक सञ्चालन गर्ने समेत मन्त्रालयले बताएको छ। घाइतेहरुको वर्गिकरणका लागि उपचारका संलग्न चिकित्सको संयोजकत्वमा कार्यदल गठन हुने भएको छ। पुनः परिक्षणका लागि घाइतेहरुलाई एम्बुलेन्स सेवा पनि उपलब्ध गराउने सरकारले निर्णय गरेको गृह मन्त्रालयले जनाएको छ ।
प्रकाशित मिति: शनिबार, असोज ११, २०८२
