काठमाडौँ । जेनजी आन्दोलनका क्रममा कारागारबाट भागेका कैदीबन्दी खोज्न सरकारले कार्यदल गठन गरेको छ ।
मन्त्रीस्तरीय निर्णयबाट सम्बन्धित जिल्लाका प्रमुख जिल्ला अधिकारीको संयोजक रहने गरी ‘फरार बन्दी खोजी तथा पक्राउ कार्यदल’ गठन गरिएको कारागार व्यवस्थापन विभागले जनाएको छ ।
विभागका अनुसार कार्यदलमा सम्बन्धित जिल्लाका प्रजिअ संयोजक रहने र अन्य निकायका प्रतिनिधिहरू सदस्य रहने व्यवस्था गरिएको छ ।
फरार कैदीबन्दीको खोजी, नियन्त्रण तथा पक्राउका लागि अभियान नै चलाउने तयारी गरिएको छ ।
प्रकाशित मिति: शुक्रबार, असोज १०, २०८२
