काडमाडौँ । पूर्वप्रधानमन्त्री डा बाबुराम भट्टराईले सुशासनका लागि पुराना पार्टीका नेताहरुले विद्रोह गर्नुपर्ने बताउनुभएको छ ।
नेसपा (नयाँ शक्ति) को अध्यक्षबाट राजीनामा दिएपछि आज काठमाडौँमा पत्रकार सम्मेलन गर्दै उहाँले पुराना राजनीतिक दलका नेताहरू सच्चिने सम्भावना नरहेको दाबी गर्नुभयो ।
"अब नयाँ र वैकल्पिक शक्तिहरूले देशको नेतृत्व लिनुपर्ने बेला आएको छ । भ्रष्ट भइसकेका दललाई कुनै पनि बाहनामा टाउको उठाउन दिनु हुन्न ।" डा भट्टराईले भन्नुभयो ।
भदौ २३ र २४ गते काठमाडौँलगायत मुलुकभर भएको जेनजी विद्रोह नेपालको मौलिक र जायज आन्दोलन भएको उहाँको टिप्पणी छ ।
प्रकाशित मिति: बिहीबार, असोज ९, २०८२
