काठमाडौँ । नेपालको नयाँ संविधान जारी भएको दिनको सम्झनामा आज संविधान दिवस मनाइँदैछ ।
राष्ट्रपति रामचन्द्र पौडेलको प्रमुख आतिथ्यतामा आज बिहान साढे ८ बजे सैनिक मञ्च, टुँडिखेलमा दिवसको मूल कार्यक्रम हुँदैछ ।
समारोहमा प्रधानमन्त्री सुशीला कार्की पनि सहभागी हुनुहुनेछ ।
गएको भदौ २३ र २४ गते जेन जीको अग्रसरतामा भएको आन्दोलन र त्यसपछिको जनधनको क्षतिको परिस्थितिमा संविधान दिवसका अवसरमा यसपाली झाँकीलगायत कार्यक्रम भने नराखिएको नेपाली सेनाले जनाएको छ ।
संविधानसभाबाट नेपालको संविधान २०७२ असोज ३ गते घोषणा भएको थियो। मुलुकमा भएको दोस्रो संविधानसभाको निर्वाचनपछि गठित संविधानसभाले ‘नेपालको संविधान, २०७२’ जारी गरेको थियो।
प्रकाशित मिति: शुक्रबार, असोज ३, २०८२
