काठमाडौँ । जेन जी अर्थात २८ वर्ष मुनिका युवाहरूको अग्रसरतामा भएको भ्रष्टाचारविरुद्धको प्रदर्शन अनियन्त्रित हुँदा भएको आगजनी, तोडफोडका कारण ठप्प भएको सिंहदरवार आजैदेखि आंशिक रुपमा भए पनि सञ्चालनमा ल्याइएको छ ।
मन्त्रालयहरूको सरसफाइ र क्षतिको मूल्याङ्कनसँगै सिंहदरबारलालाई लयमा फर्काइएको प्रधानमन्त्री तथा मन्त्रीपरिषद्को कार्यालयले जनाएको छ ।
प्रधानमन्त्री तथा मन्त्रीपरिषद् कार्यालयका सहसचिव तथा प्रवक्ता रविलाल शर्माका अनुसार सिंहदरबारबाट जनतालाई प्रदान गरिने सेवा सुरु गरिँदै छ ।
जेनजी समूहको नाममा भदौ २४ गते भएको आगजनी र तोडफोडबाट प्रधानमन्त्री तथा मन्त्रीपरिषद्को कार्यालय, विभिन्न मन्त्रालय र निकायहरू क्षतिग्रस्त भएका छन् ।
प्रकाशित मिति: आइतबार, भदौ २९, २०८२
