काठमाडौँ । राष्ट्रिय मानव अधिकार आयोगका सदस्य डा सूर्य ढुङ्गेलले पदबाट राजीनामा दिनुभएको छ ।
डा ढुङ्गेलले जेन जी आर्थात युवा पुस्ताको भावना र माग अनुसार अन्तरिम सरकार गठन गरिएको र सरकारलाई काम गर्न सजिलो होस् भन्नका लागि राजीनामा दिएको सीआईएनसँग बताउनुभयो ।
उहाँले जेन जीको पछिल्लो आन्दोलन, त्यसबखत भएको दमनका बारेमा आयोगले अध्ययन सुरु गरेको जानकारी दिँदै सरकारले युवाहरूको भावनालाई सम्वोधन गर्नेगरी काम गर्नुपर्ने बताउनुभयो ।
आज राजीनामाको घोषणा गर्नुभएका सदस्य ढुङ्गेलले भो लिखित रूपमा बुझाउने तयारी गरेको बताउनुभयो ।
कठिन परिस्थितिमा अन्तरिम सरकारको प्रधानमन्त्री सुशीला कार्की नियुक्त भएको उल्लेख गर्दै प्रधानमन्त्री कार्कीलाई काम गर्ने अवसर दिनुपर्ने धारणा राख्नुभयो ।
प्रकाशित मिति: शनिबार, भदौ २८, २०८२
