काठमाडौँ । जेन–जी आन्दोलनका क्रममा मृत्यु हुनेको सङ्ख्या ५१ पुगेको छ।
मृतकमध्ये तीन जना प्रहरी र एक जना भारतीय रहेको नेपाल प्रहरीले जनाएको छ । केन्द्रीय प्रवक्ता डीआईजी विनोद घिमिरेका अनुसार मृतकहरूमा काठमाडौं उपत्यकासहित विभिन्न जिल्लाका मानिसहरू छन्।
प्रदर्शन सुरु भएको पहिलो दिनमै २१ जनाको ज्यान गुमेको थियो। मृतक मध्ये ९ जना कैदी र ५ जना बाल सुधार गृहमा रहेकाहरु रहेको उहाँले जानकारी दिनुभयो । यसैबीच, जलेको अवस्थामा पनि केही मृतक भेटिएको प्रहरीले जनाएको छ।
प्रकाशित मिति: शुक्रबार, भदौ २७, २०८२
