काठमाडौं । देशभर नेपाली सेना लगायत अन्य सुरक्षा निकाय परिचालन भएपछि विभिन्न स्थानमा लुटपाट तथा आपराधिक गतिविधिमा संलग्न व्यक्तिहरु पक्राउ परेका छन्।
महाराजगञ्जस्थित भाटभटेनी सुपरमार्केटमा लुटपाटमा संलग्न ४ जना आज विहान १० बजेदेखि दिउँसो १ बजेसम्मको अपरेशनमार्फत पक्राउ परेका छन्।
यस्तै, डिल्लीबजार, नारायणथान क्षेत्रमा शंकास्पद गतिविधिमा संलग्न व्यक्तिहरुले सुरक्षा फौजलाई देखेपछि फ्याँकेर भागेका नेपाली रुपैयाँ २ लाख ३२ हजार ५ सय र अमेरिकी डलर २५ सय बरामद भएको छ।
सुरक्षाकर्मीले हालसम्म लुटिएका हतियारमध्ये ३२ नाल फिर्ता गरेको पनि बताइएको छ। यसमध्ये थप १ नाल हतियार आज बरामद भएको हो।
यसैबीच, डडेलधुरास्थित जिल्ला कारागारबाट भागेका कैदीमध्ये २६ जनालाई नियन्त्रणमा लिइएको छ भने काठमाडौं डिल्लीबजारस्थित सदर कारागारबाट भाग्ने प्रयास गरेका कैदीहरुलाई सुरक्षाकर्मीले रोक्न सफल भएको छ।
प्रकाशित मिति: बुधबार, भदौ २५, २०८२
