काठमाडौ । नेपाली सेनाले जेन–जी नेतृत्वको आन्दोलनका क्रममा सुरक्षाकर्मीहरूबाट लुटिएका वा हराएका हातहतियार, गोलीबारुद तथा अन्य सुरक्षा सामग्री बुझाउन आग्रह गरेको छ ।
केहि वेर अघि विज्ञप्ती निकाल्दै नेपाली सेनाले ती हातहतियार तथा गोलीगट्ठा सेनामा वा सम्बन्धित सुरक्षाकर्मीलाई बुझाउन आग्रह गरेको हो ।
ती हातहतियारको दुरुपयोग भई जनधनको क्षति हुन सक्ने भएकाले प्राप्त गर्ने व्यक्तिहरुले नजिकैको सुरक्षा निकायलाई जानकारी गराउन र तत्काल बुझाउन विज्ञप्ती मार्फत अनुरोध गरिएको छ ।
यसैगरी सेनाले यस्तो संवेदनशील परिस्थितिमा सुरक्षाकर्मीको पोशाकको अनधिकृत प्रयोग नगर्न पनि आग्रह गरेको छ।
उक्त हातहतियार वा गोलीबारुद नबुझाई कसैसँग फेला परेमा प्रचलित कानुन बमोजिम कारबाही हुने सेनाले चेतावनी दिएको छ ।
प्रकाशित मिति: बुधबार, भदौ २५, २०८२
