काठमाडौं । नयाँ बानेश्वरस्थित संसद भवनको एक नम्बर गेटमा प्रहरीले चलाएको गोली लागेर एक प्रदर्शनकारीको घटनास्थलमै मृत्यु भएको छ। घटनास्थलमै मृत्यु भएपछि शववाहन मगाइएको छ।
यो घटनासँगै जेनजी आन्दोलनमा मृत्यु हुने प्रदर्शनकारीको संख्या दुई पुगेको छ। यसअघि, अर्को प्रदर्शनकारी नयाँबानेश्वरस्थित सिभिल अस्पतालमा उपचारका क्रममा मृत्यु भएको थियो।
जेनजीले सामाजिक सञ्जालमाथि लगाइएको प्रतिबन्ध र भ्रष्टाचार, शिक्षा, रोजगारी, पारदर्शिता र राजनीतिक जवाफदेहीता जस्ता माग उठाउँदै आन्दोलन जारी राखेको छ।
प्रहरी र प्रशासनले आन्दोलन नियन्त्रणका लागि कफ्र्यू जारी गरेका छन्, तर प्रदर्शन अझै रोकिएको छैन।
प्रकाशित मिति: सोमबार, भदौ २३, २०८२
