चालु आर्थिक वर्षको एक महिनामा साउनमा मात्रै बैदेशिक रोजगारीका क्रममा ४३ जना नेपालीको मृत्यु भएको छ ।
वैदेशिक रोजगार बोर्डका अनुसार गत साउनमा मात्रै बोर्डले विदेशबाट ३९ वटा शव झिकाएको छ । यस्तै ४३ वटा शव ढुवानी गरेको छ ।
१४२ जना मृत कामदारका परिवारलाई आर्थिक सहायता समेत बोर्डले उपलब्ध गराएको छ। बोर्डको मासिक विवरणअनुसार मृत्यु भएकामध्ये परिवारजनलाई करिब १ करोड ४२ लाख रुपैयाँ बराबरको सहयोग प्रदान गरिएको हो।
सीआईएनसँग कुरा गर्दै श्रम स्वीकृति लिएर गएका श्रमिकको परिवारले श्रमिकको मृत्यु भएको एक वर्ष भित्र निवेदन दिएका सहायता रकम प्राप्त गर्नसक्ने सीआईएनसँग कुरा गर्दै बोर्डका निर्देशक गुरुदत्त सुवेदीले बताउनुभयो ।
हाल बोर्डले विदेशमा मृत्यु भएका श्रमिकका परिवारलाई १० लाख सहायता रकम उपलब्ध गराउदै आएको छ ।
प्रकाशित मिति: आइतबार, भदौ १५, २०८२
