काठमाडौँ । पुर्पक्षका लागि थुनामा रहेका राष्ट्रिय स्वतन्त्र पार्टी (रास्वपा) का सभापति रवि लामिछानेले आफ्नो भागको बिगो बराबरको रकम दाखिला गरेर थुना बाहिरैबाट मुद्दा लड्न माग गर्दै उच्च अदालत तुल्सीपुरको बुटवल इजलासमा निवेदन दिनुभएको छ ।
लामिछाने निकट स्रोतका अनुसार जिल्ला अदालत रुपन्देहीले यसअघिको सोही मागमा रिहा नगरेपछि आज उच्च अदालतमा निवेदन दिइएको हो ।
सभापति लामिछानेको निवेदनमा पर्सि ११ गते पेसी तोकिएको छ।
सुप्रिम सहकारी ठगीको आरोपमा रविसहितका प्रतिवादीलाई १० करोड ९९ लाख ३६ हजार रुपैयाँ सामूहिक बिगो कायम गरेर अभियोग पत्र दायर गरिएको छ।
लामिछानेले त्यसको चार भागमध्ये आफ्नो भागमा पर्ने २ करोड ७४ लाख ८४ हजार रुपैयाँको बैँक जमानत निवेदनसाथ पेस गर्नुभएको थियो ।
प्रकाशित मिति: सोमबार, भदौ ९, २०८२
