काठमाडौँ । गत एक वर्षमा नेपालमा लेक लागेर २५ जनामो मृत्यु भएको छ ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणकाअनुसार एक वर्षमा लेक लागेका १ सय १३ वटा घटनामा २५ जनाको मृत्यु भएको हो ।
हिजो मात्रै हुम्लामा लेक लागेर बाजुराको बुढीनन्दा नगरपालिका ६ लाटो बस्तीका डबल बिकको मृत्यु भएको थियो ।
लेक लाग्नु भन्नाले उचाइमा पुग्दा शरीरमा देखिने असजिलो अवस्था भन्ने बुझिन्छ। सामान्यतया २५ सय मिटरभन्दा माथि पुगेपछि अक्सिजनको मात्रा घट्छ, जसले गर्दा सास फेर्न गाह्रो हुन्छ ।
यहि कारण टाउको दुख्ने, वाकवाकी लाग्ने, थकाइ लाग्ने, सास फेर्न गाह्रो हुने जस्ता सुरुवाती लक्षण देखापर्ने डाक्टरहरु बताउछन् ।
सीआईएनसँग कुरा गर्दै डा. बाबुराम मरासिनीले उचो स्थानको यात्रा गर्दा आवश्यक औषधि लिएर जाँदा सजिलो हुने बताउनुभयो ।
प्रकाशित मिति: सोमबार, भदौ २, २०८२
