काठमाडौँ । अहिले कोशी प्रदेश, मधेश प्रदेशको पूर्वी भू-भागलगायत गण्डकी प्रदेशको स्याङ्जा, बागलुङ र कास्की, कर्णाली प्रदेशको जाजरकोट, सुर्खेत, डोल्पा, मुगु सिमिकोट आसपासको जिल्लामा हल्कादेखि मध्यम खालको पानी परिरहेको छ ।
मौसमी प्रणाली विकसित भएर आकास गड्याङगुडुङ, हावाहुरीसहित हल्का देखि मध्यम पानी परेको जानकारी दिँदै मौसम पूर्वानुमान महाशाखाले यो प्रणाली दक्षिण पश्चिम दिशामा फैलिने क्रममा रहेकोले त्यस आसपासको क्षेत्रमा सावधानी अपनाउन अनुरोध गरेको छ ।
पछिल्लो एक घण्टामा कास्की, लम्जुङ र धनकुटामा सबैभन्दा धेरै पानी परेको जल तथा मौसम विज्ञान विभागले जनाएको छ ।
प्रकाशित मिति: शनिबार, साउन ३, २०८२
