काठमाडौँ । सामुदायिक सूचना नेटवर्क (सीआईएन) ले तीन जना सामुदायिक रेडियोकर्मीलाई सामुदायिक रेडियो पत्रकारिता पुरस्कार प्रदान गरेको छ ।
दोलखाको रेडियो शैलुङमा कार्यरत बुना घिमिरे, सर्लाहीको रेडियो एकतामा कार्यरत जनार्जन खत्री र सीआईएनमा कार्यरत उषा तामाङलाई पुरस्कार प्रदान गरिएको म्यानेजर दीपक आचार्यले बताउनुभयो ।
उहाँका अनुसार सीआईएनमा वर्षभरिमा नियमित, गुणस्तरीय र प्रभावमा आधारित रिपोर्टिङमा संलग्न सामुदायिक रेडियोकर्मीलाई पुरस्कार प्रदान गरिन्छ ।
पुरस्कारको राशि १५ हजार रहेको छ ।
सीआईएनको १७ औँ वार्षिकोत्सवको अवसर पारेर काठमाडौँमा आज आयोजित एक कार्यक्रमका बीच पुरस्कार दिइएको हो ।
प्रकाशित मिति: बुधबार, जेठ १५, २०८२
