काठमाडौँ । ‘लोमान्थाङ अन्तर्राष्ट्रिय मिडिया समिट’ आजबाट सुरु भएको छ । समिटको उपराष्ट्रपति रामसहाय प्रसाद यादवले बिहान ललितपुरमा एक समारोहका बीच उद्घाटन गर्नुभएको छ ।
सञ्चार तथा सूचना प्रविधिमन्त्री पृथ्वीसुब्बा गुरुङ, परराष्ट्रमन्त्री डा. आरजु राणा देउवालगायत विभिन्न देशका प्रतिनिधि पत्रकारले पनि उद्घाटन समारोहलाई सम्बोधन गरेका छन् ।
नेपाल प्रेस युनियनको आयोजनामा ‘लोमान्थाङ अन्तर्राष्ट्रिय मिडिया समिट’ को सुरुवात भएको हो ।
प्रेस युनियनका अध्यक्ष शिव लम्सालले समिट काठमाडौँदेखि पोखरा हुँदै मुस्ताङसम्म यही वैशाख ३० गतेसम्म चल्ने छ ।
विश्वका बदलिँदो परिवेशमा प्रविधिले निम्त्याएको अवसर र चुनौती तथा दक्षिण एसियामा मिडियाले भोग्नु परेका समस्या, दक्षिण एसियाको पत्रकारिताको प्रभावबारेमा दक्षिण एसियासहित विभिन्न ६ मुलुकबाट आएका विषय विज्ञहरूको कार्यक्रममा प्रस्तुति रहेको छ ।
प्रकाशित मिति: शनिबार, वैशाख २७, २०८२
