डोटी । डोटीमा जिप दुर्घटना हुँदा ४ जनाको मृत्यु भएको छ, ५ जना घाइते भएका छन् ।
धनगढीबाट बाजुरातर्फ जाँदै गरेको ग २ च २७७६ नम्बरको बोलेरो जिप अनियन्त्रित भइ दुर्घटना हुँदा बाजुराको हिमाली गाउँपालिका–५ का २२ वर्षीय राधिका मलाल, ३२ वर्षीय धनशोभा बुढा, उहाँका ६ वर्षका छोरा कबिन्द्र र विमला मलालकी ८ महीनाका छोरी प्रार्थना मलालको मृत्यु भएको प्रहरीले जनाएको छ ।
दुर्घटनाबाट हिमाली–५ का २१ वर्षीय बीमला मलाल, ३० वर्षीय प्रकाश बुढा थापा, २३ वर्षीय खोम बहादुर मलाल, २४ वर्षीय दानबहादुर बुढा र २१ वर्षीय राजबहादुर मलाल घाइते भएका छन् ।
प्रहरीका अनुसार घाइते बीमलाको अवस्था गम्भीर छ भने अन्य घाइतेको अवस्था मध्यम छ । घाइतेहरूको शैलेश्वरी अस्पताल दिपायलमा उपचार भइरहेको छ ।
बाजुराको गौमुल गाउँपालिका–४ काडाकोटका २१ वर्षीय जिप चालक महेश बुढा प्रहरी चौकी तलकोटको नियन्त्रणमा छन् । जिप सडकबाट अन्दाजी ५०/६० मिटर तल खसेको छ ।
प्रकाशित मिति: आइतबार, कात्तिक १९, २०८०, ०७:४७
