काठमाडौँ । जाजरकोट केन्द्रबिन्दु भएर गएराति गएको भूकम्प पीडितहरुको राहतका लागि सरकारले जाजरकोट र रुकुम पश्चिममा पाँच–पाँच करोड रुपैयाँ पठाउने निर्णय गरेको छ ।
उपप्रधान तथा गृहमन्त्री नारायणकाजी श्रेष्ठको अध्यक्षतामा आज बसेको बैठकले राष्ट्रिय विपद् जोखिम न्यूनीकरण तथा व्यवस्थापन प्राधिकरणबाट भूकम्प प्रभावित दुई जिल्लाको जिल्ला विपद् व्यवस्थापन कोषमा पाँच–पाँच करोड रुपैयाँ पठाउने निर्णय गरेको हो ।
खोज, उद्धार र राहतका लागि जिल्ला विपद् व्यवस्थापन समितिमार्फत एकद्वार प्रणाली अवलम्बन गर्ने निर्णय पनि सरकारले गरेको छ । सहयोग गर्ने सबै व्यक्ति तथा निकायहरुले सोही संयन्त्रसँग समन्वय गरी सहयोग गर्ने व्यवस्था मिलाउने निर्णय पनि सरकारले गरेको छ ।
सरकारको निर्णय विस्तृतमा पढ्नुहोस्ः
प्रकाशित मिति: शनिबार, कात्तिक १८, २०८०, १४:५१
