काठमाडौँ । भूकम्पले जाजरकोट र रुकुम पश्चिममा घाइते भएकाहरूको उद्धारका लागि परिचालित हुन नेकपा एमालेले मातहतका सङ्गठनलाई निर्देशन दिएको छ ।
अध्यक्ष केपी शर्मा ओलीले उद्दार प्रभावकारी बनाउनका लागि खट्न सबैसँग अनुरोध गर्नुभएको हो । "घाइतेहरुलाई शीघ्र उद्दार र उपचारको प्रबन्ध गरौं । यो बाहिरकाले सहयोग पुर्याउनने र त्यहाँकाले धैर्य अनि सावधानी राख्नु पर्ने समय हो।" ओलीले भन्नुभएको छ ।
सामाजिक सञ्जालमा अध्यक्ष ओलीले ल्ख्नुभएको छ"मध्यरातमा आएको भूकम्पले जाजरकोट र रुकुम पश्चिममा ठूलो मानवीय क्षति भएको छ। ६.४ म्याग्निच्युटको भूकम्पले कयौं घाइते छन्, राति आएको भूकम्पका कारण उद्दार प्रभावकारी हुन सकेको छैन होला। मैले बिहान त्यहाँका केही साथीहरुसँग टेलिफोन मार्फत जानकारी लिएँ । यतिबेला त्यहाँ उद्दार गर्ने र घाइतेको उपचारमा तत्काल लाग्ने स्वास्थ्यकर्मीको धेरै खाँचो छ। सबै साथीहरु उद्दारमा खटौँ । घाइतेहरुलाई शीघ्र उद्दार र उपचारको प्रबन्ध गरौं । यो बाहिरकाले सहयोग पुर्याउने र त्यहाँकाले धैर्य र सावधानी राख्नु पर्ने समय हो।"
प्रकाशित मिति: शनिबार, कात्तिक १८, २०८०, ०७:०६
