काठमाडौँ । चाडबाड लक्षित सहुलियत मूल्यका पसल आजबाट खुला गरिएको छ ।
उद्योग, वाणिज्य तथा आपूर्ति मन्त्रालयका प्रवक्ता गजेन्द्रकुमार ठाकुरले सहुलियत मूल्य पसलमा सबै किसिमका चामल, दाल, गहुँ, आटा, पिठो, मैदा, तोरीको तेल, सूर्यमुखी तेल, भट्मासको तेल र चिउरामा बजार मूल्यभन्दा प्रतिकिलो ७ रुपैयाँले सस्तोमा विक्री वितरण गरिएको जानकारी दिनुभयो ।
कर्णालीको सिमी तथा गेडागुडी, फापरको दाना, चिनो, कागुनो र उवा र जिउँदो खसी, बोका तथा च्याङ्ग्रामा प्रतिकिलो १० रुपैयाँ छुट दिइने छ ।
खाद्य व्यवस्था तथा व्यापार कम्पनी र साल्ट ट्रेडिङको काठमाडौँ उपत्यकामा रहेका आठओटा विक्री केन्द्र र तीनओटा घुम्ती पसलसमेत गरी जम्मा ३५ स्थानमा विक्री स्थल रहनेछन् ।
त्यसबाहेक ४२ जिल्लाका ४८ स्थानमा खाद्य व्यवस्था तथा व्यापार कम्पनीका सहुलियतपूर्ण मौज्दात रहने जनाइएको छ ।
प्रकाशित मिति: आइतबार, असोज २१, २०८०, ०९:५५
