विराटनगर । आफ्नो पक्षमा बहुमत नजुट्ने भएपछि कोशी प्रदेशका मुख्यमन्त्री हिक्मत कुमार कार्कीले आज पदबाट राजीनामा दिनुभएको छ ।
प्रदेशसभाको आजको बैठकमा मुख्यमन्त्री कार्कीले विश्वासको मत लिनुअघि नै प्रदेश प्रमुख समक्ष राजीनामा बुझाएको जानकारी गराउनुभयो ।
अङ्क गणितलाई ख्याल नगरेको अवस्थामा कोशी प्रदेशमा मध्यावधि चुनाव अवश्यम्भावी रहेको टिप्पणी गर्नुभयो ।
मध्यावधिमा जाने कसैको चाहाना नभएको उल्लेख गर्दै उहाँले कुनै पनि राजनीतिक दलसँग सहकार्यका लागि खुला रहेको धारणा राख्नुभयो ।
अरु दलहरूले बहुमत पु¥याउन सक्ने हो भने एमाले प्रतिपक्षमा बस्ने पनि उहाँको भनाइ थियो ।
सर्वोच्च अदालतको आदेशपछि मुख्यमन्त्री नियुक्त भएका कार्कीले आज प्रदेशसभामा विश्वासको मत लिने कार्यसूची रहेको थियो ।
प्रदेशसभामा बहुमतका लागि ४७ जना सांसदको मत आवश्यक पर्छ ।
प्रकाशित मिति: शनिबार, असोज २०, २०८०, १६:२०
