काठमाडाैँ । सरकारले इन्धनको मूल्यवृद्धि फिर्ता लिएको छ ।
आयल निगमले शनिबार रातिदेखि लागू हुने गरी खाना पकाउने ग्यास, डिजेल पेट्रोलसहित इन्धनको मूल्य बढाएकोमा आज बसेको मन्त्रीपरिषद् बैठकले मूल्य वृद्धि फिर्ता लिन आयल निगमलाई निर्देशन दिने निर्णय गरेको एक मन्त्रीले जानकारी दिनुभयो ।
शनिबार बसेको निगमको सञ्चालक समितिको बैठकले पेट्रोलमा प्रतिलिटर २, डिजेल र मट्टितेलमा प्रतिलिटर ६ र खाना पकाउने ग्यासमा प्रतिसिलिण्डर २१५ रुपैयाँ तथा आन्तरिक र अन्तर्राष्ट्रिय हवाइ इन्धनमा प्रतिलिटर ८ रुपैयाँ मूल्य बढाउने निर्णय गरेको थियो ।
प्रकाशित मिति: आइतबार, असोज १४, २०८०, १३:२२
