सल्यान । सल्यानमा जिप दुर्घटना हुँदा २ जनाको मृत्यु भएको छ भने एक जना घाइते भएका छन् ।
रोल्पाबाट दाङतर्फ जाँदै गरेको तरकारी बोकेको रा १ च १०२५ नम्बरको जिप राप्ती राजमार्ग अन्तर्गत कपुरकोट गाउँपालिका ३ चोरखोला सेतापैरामा आज बिहान ६ बजे दुर्घटनामा परेको थियो ।
दुर्घटनामा जिप चालक दाङ तुलसिपुर उपमहानगर पालिका १८ बस्ने अन्दाजी २५ वर्षका भक्तबहादुर घर्ती र जिपधनी दाङ तुलसिपुर १८ का अन्दाजी ५० वर्षका गणेश बुढाको मृत्यु भएको प्रहरीले जनाएको छ ।
२ जनाको घटनास्थलमै मत्यु भएको छ भने एक जना गम्भीर घाइते भएको जिल्ला प्रहरी कार्यालय सल्यानले जनाएको छ ।
घाइते हुनेमा दाङ तुलसिपुर उपमहानगरपालिका २ बस्ने वर्ष ३५ का नारायण योगी रहेको प्रहरी निरिक्षक गोपाल श्रेष्ठले जानकारी दिनुभयो ।
प्रकाशित मिति: सोमबार, असोज ८, २०८०
