काठमाडौँ । संविधान दिवसको अवसरमा आगामी असोज ३ गते ३४ जनाको कैद सजाय माफीमिनाह गर्न गृहमन्त्रालयले राष्ट्रपति रामचन्द्र पौडेल समक्ष सिफारिस गरेको छ ।
तर यसअघि सरकारले रेशम चौधरीको माफीमिनाहाका लागि गरेको सिफारिस सदर गर्नु भएका राष्ट्रपति पौडेलले यसपालीको सिफारिसमा चासो देखाउनु भएको शीतलनिवास स्रोतले जनाएको छ ।
रेश चौधरीलाई माफी दिने निर्णय संविधान विपरित भएको सर्वोच्च अदालतले निस्कर्ष निकालेको थियो ।
कानुनको अपव्याख्या गर्दै गम्भीर प्रकृतिका अपराधमा सजायका लागि फैसला भएका तर पक्राउ नपरेका ३४ जनालाई माफीको सिफारिस गरिएको भन्दै राष्ट्रपति कार्यालयले त्यसको स्पष्ट आधार गृहमन्त्रालयसँग मागेको छ ।
गृह मन्त्रालयले पाँच दिन अघि राष्ट्रपतिसमक्ष प्रस्ताव पेस गरेको थियो ।
प्रकाशित मिति: आइतबार, भदौ ३१, २०८०, ०८:५२
