त्रिवेणी एफएम, डोटी ।
डोटीको बोगटान फुड्सिल गाउँपालिका वडा नं ७ चवराचौतारामा जीप दुर्घटना हुँदा ३ जनाको मृत्यु भएको छ । दुर्घटनामा ५ जना घाईते भएका छन् ।
दिपालयबाट चवराचौताराका लागि हिडेको म १ च ५५० नम्बरको जिप दुर्घटना हुँदा बोगटान फुड्सिल गाउँपालिका वडा नं. ७ चवराचौताराका वडा सचिव (नायब सुब्बा ) बर्ष २८ का मन्जु त्रिपाठीको मृत्यु भएको छ ।
उहाँका सासु आमा र ग्रामीण जलस्रोत व्यवस्थापन परियोजनामा कार्यरत केआईसिंह गाउँपालिका वडा नं ४ चनेकेसैन निवासी कृषि प्राबिधिक हरि भट्टको पनि दुर्घटनामा मृत्यु भएको जिल्ला प्रहरी कार्यालय डोटीले जानकारी दिएको छ ।
घाईते हुनेहरुमा ग्लोबल आईएमई बंैकमा कार्यरत सुरक्षागार्ड टिकाराम गिरी, उहाँका श्रीमती खिमा गिरी, खत्याडी माध्यामिक विद्यालयका शिक्षक हेमन्त भट्ट, चालक कैलाश बम, मृतक मन्जु त्रिपाठीका तीन बर्षिय छोरा रहेका छन् ।
जीप भिरबाट करिब २०० किलोमिटर तल झरेर दुर्घटना भएको प्रहरी जनाएको छ । प्रहरीका अनुसार घाईतेहरुको स्थानीय, गाउँपालिकाका कर्मचारी र प्रहरी मिलेर उद्धार गरेका छन् ।
दिपायलबाट खत्याडीका लागि हिडेको जीप दुर्घटना भएको हो । घाईतेहरुलाई दिपायल पठाईएको घटनास्थलमा उद्धारमा खटिनुभएका बोगटान फुड्सिल गाउँपालिकाका अध्यक्ष कमलबहादुर गड्सिलाले जानकारी दिनुभयो ।
प्रकाशित मिति: आइतबार, मंसिर २१, २०७७
