CIN Khabar

उद्यम

सामान निर्यातमा विराटनगर भन्सार कार्यालय अगाडि

सीआईएन मंगलबार, कात्तिक १५, २०७९, १०:१८:००

कठमाडौँ । नेपालको कुल २६ वटा भन्सार कार्यालयमध्ये सामान निर्यात गर्नेमा विराटनगर भन्सार कार्यालय अगाडि देखिएको छ ।

चालु आर्थिक वर्षको असोज महिनासम्ममा नेपालबाट कुल ४१ अर्ब ८२ करोड रुपैयाँको सामान निर्यात हुदा १२ अर्ब ५७ करोड २९ लाख रूपैयाँको सामान विराटनगर भन्सार कार्यालयबाट निर्यात भएको छ ।

यो कुल निर्यातको करिब ३० प्रतिशत हो ।

भदौ महिनासम्म विरगञ्ज भन्सार कार्यालय अगाडि रहेकोमा असोजमा भने दोस्रो स्थानमा झरेको भन्सार विभागको तथ्याङ्कले देखाएको छ ।

गत ३ महिनामा विरगञ्ज भन्सार कार्यालयबाट १० अर्ब ७१ करोडको सामान निर्यात भएको छ ।

यो कुल निर्यातको करिब २५ प्रतिशत हो ।

त्रिभुवन अन्तराष्ट्रिय विमानस्थल भन्सार कार्यालयबाट भने ९ अर्ब ७७ करोड मूल्य बराबरको सामान निर्यात भएको छ ।

विभागका अनुसार हालसम्म १५ वटा भन्सार कार्यालयहरूबाट मात्रै निर्यात व्यापार गरिएको छ भने ११ वटा भन्सार कार्यालयहरूबाट निर्यात शून्य रहेको छ ।

चोभार सुख्खा बन्दरगाहा भन्सार कार्यालय र गौतमबुद्ध अन्तराष्ट्रिय विमानस्थल भन्सार कार्यालयबाट भने ३ लाख र ४ लाख रुपैयाँ बराबरको मात्रै सामान निर्यात भएको छ ।

५ वटा भन्सार कार्यालयमार्फत भने करिब १ करोड मूल्य बराबरको मात्रै सामान निर्यात भएको भन्सार विभागका सूचना अधिकारी पुन्यविक्रम खड्काले बताउनुभयो ।

प्रकाशित मिति: मंगलबार, कात्तिक १५, २०७९, १०:१८:००

सीआईएन

सीआईएन नेपालका सामुदायिक रेडियोहरुको नेटवर्क हो ।

प्रतिक्रिया दिनुहोस्