एजेन्सी । म्यानचेस्टर सिटीले लगातार तेस्रो पटक इङ्लिस प्रिमियर लिग फुटबलको उपाधि जितेको छ।
शनिवार राति उपाधि आर्सनल क्लब नटिङ्घम फरेस्टसँग १-० ले पराजित भएसँगै सिटी तीन खेल अघि नै सिजनको बिजेता बनेको हो। सिटी छ वर्षमा पाँचौं पटक च्याम्पियन बनेको हो।
शीर्ष स्थानको सिटीले अङ्क तालिकामा ३५ खेलबाट ८५ अङ्क जोडेको छ। आर्सनलको ३७ खेलबाट ८१ अङ्क छ। सिटीले खेल्न बाँकी तीनवटै खेल हारे पनि र आर्सनलले खेल्न बाँकी खेल जिते पनि सिटीलाई अङ्कमा भेट्टाउने छैन ।
सिटीले जुन ३ तारिखमा हुने एफए कपको फाइनलमा म्यानचेस्टर युनाइटेडसँग र जुन १० तारिखमा हुने युरोपेली च्याम्पियन्स लिगको उपाधिका लागि इटालियन क्लब इन्टर मिलानसँग खेल्नेछ । यी दुवै उपाधि जिते सिटीले ट्रेबल उपलब्धि हासिल गर्नेछ । म्यानचेस्टर युनाइटेडले सन् १९९९ मा ट्रेबल उपलब्धि हात पारेको थियो ।
प्रकाशित मिति: आइतबार, जेठ ७, २०८०, १०:२५
